» افغان ايركا

د متحدو ايالاتو د دفاع وزير ډانلډ رمسفيلډ د افغانستان پلازمينې کابل ته نن ( د چنگاښ ٢٠ د جولاى ١١ ) په داسې وخت کې را رسيدلى دى چې د امريکا په مشرۍ کې نړيوال ايتلافي ځواکونه په هلمند کې د ٣٠ طالبانو د وژنې ادعا کوي .
ښاغلى رمسفيلډ له تاجکستان څخه کابل ته رارسيدلى او تمه ده چې له ولسمشر حامد کرزي او د افغانستان د دفاع له وزير ستر جنرال عبدالرحيم وردگ سره وويني او د افغانستان پر امنيتي مسايلو ورسره خبرې وکړي .

`پرون برتانيا اعلان وکړ چې افغانستان ته به ٩٠٠ نور سرتيري هم ليږي ، دغه سرتيري به د هلمند ولايت کې ځاى پر ځاى کيږي .

په تاجکستان کې د امريکا د دفاع وزير د هغۀ هيواد له مشرتابۀ سره په خبرو کې ويلي دي چې د مخدره توکو د قاچاق له امله اندېښمن دى .

رپوټونه ښيي چې ښاغلي رمسفيلډ له افغانستان څخه د منځنۍ اسيا له لارې د مخدره توکو پر قاچاق خپلې اندېښنې کې زياته کړې چې گواکې له دغۀ قاچاق څخه ترهگر مالي گټه ترلاسه کوي .

افغانستان ته د امريکا د دفاع د وزير سفر دغۀ هيواد ته د متحدو ايالاتو د بهرنيو چارو د وزيرې کاندوليزا رايس تر سفر ايله دوه اوونۍ وروسته کيږي .

• چاپ خبر
• ارسال براي ديگران
• برگشتن به صفحه اول